يارجل لايضيق صدرك من الهرج الصحيح=لوفعلـة الطيـب والله مـا تدعـاء ردي
والله اني يوم اكلمك مـن قلـب ٍ نصيـح=طيع شوري تقبل النصح منـي وتهـدي
انتبـه قـدام لطيـح يوجعـك المطيـح=لأتحسب الناس غادين وأنـت المقتـدي
بالمدايح مانساوي كريـم ٍ مـع شحيـح=فرق واضح بين كوبـان والكـف النـدي
انت وش سويت حتى نقول ابك المديـح=لوطلع لك طيب كـل ٍ بطيبـك يشهـدي
انت ماقالولـك النـاس يالوجـه الفليـح=من خلقك الله كنك عـن الطيـب محـدي
ميرطع شوري وريح اركابـك وستريـح=الخطاء ماجـاك منـي تـراك المبتـدي
لاتعر ضنـي وانـأ معترضتـك يامتيـح=وان ركبك إبليس تبي عن الدرب التغـدي
صدعن وجهي وفارق قبل سـدي يبيـح=كان تعرف وش كلامي وتفهـم مقصـدي
وان بغيت أقول ابا اقول ولساني فصيـح=كلمة ٍ تدري بها النـاس قبلـي وبعـدي