يالله ياللـــي فارض خمـس ألأركان = يوالي الدنيا عليك اتكالي
ياللي خلـقت الكون والانس والجان = يعالم في غيب كل الليالي
انك ترد مرجح كل ميزان = الغايب الحاضر حميد الخصالي
اللـــي على شعبه كما الغيث هتان = شايل هموم المملكه باحتمالي
خـــــادم بيوت الله في أمن وأمان = الحاكم الوافي بحكم العدالي
عبد الله المحبوب في كل الأوطان = نطلب شفاه من الولي بالعجالي
وبعد الشفاء العاجل نشوفه بالأعيان = بالمملكه بين الاهل والأهالي
ونفرح بحاكمنا سلايل كحيلان = ونرفع له الرايه على كل عالي
من حرة الحره الى أبان وأبان = وعما عموم اديار عبس الغوالي
بني رشيد أهل المواقف والاحسان = على الولاء ماخانو بكل حالي
يشهد لهم ماض الزمن سر واعلان = ويشهد لهم في مقبلات الليالي
وتعم فحة سيدي كل ديوان = شعب وحكومه من جنوب وشمالي
والمملكه تنعم على مر الازمان = بحماية المولا عزيز الجلالي
وبقيادة ال سعود حكم وعنوان = حكامنا اللي حكمهم بالعدالي
حكم الشريعه حكمهم قوة ايمان = أهل الوفاء والجود في كل حالي
ماينـــــظلم فيها ضعيف ولا يهان = اليا وصل حكامنا الظلم زالي
هي فزعة المظلوم من وين ماكان = وليا زبنها دخيل يشرب زلالي
ماتــــعتذر جيرانها بمد الاعوان = جيرانها يحظون منها المنالي
خيراتها تضفي على كل الأوطان = بر وبحر مع جو مالها مثالي
ولا عاشو اللي بالوطن شانهم شان = الخادعين انفوسهم بالضلالي
المدعين بدين من دون برهان = الفاسدين المفسدين النــــــــذالي
القاتلين صغار وكبار وخوان = المرهبين بفعلهم بالقتــــــــــالي
كم أيتموا طفل صغير ولهان = عقب الدلع يبكي على فقد غالي
وش ذنبــــهم يامتبع كل شيطان = ياخاين الاسلام مالك ومجالي
المملكه هي دارنا بين الأوطان = من شانها نرخص لهاكل غالي
حنـــــا فداء حكامنا بكل ميدان = مايهزنا الشيطان خبث المقـــالي
حتـــــى ايش لوناديت وأعلنتم اعلان= عبر قناة افسادكم يالهبالي
هارب ومتهرب ولك مقصد ثان = غطرس عليك ابليس وأغواك تالي
حكامنا تسهر على ألأمن بأمان = وحنا معاهم بالوفاء والكمالي
مانطاوع الطاغي ولا كل خوان = المنخرف مذموم في كل حالي
حقه علينا يهان ويهان ويهان = وحقه على الله كافله بالكفــــالي
واختامها مني سلام وعرفان = للي حضر حفلة كريم الخصالي
الشاعر الشيخ/ مصيلح بن صلحان ابن بدوي