لو لم اقرأ هذه المحاوره في المنتدى لقلت انها في ملعبه مولعه محاوره قويه جمعت الشعر كله والفتل والنقض والاعتزاز بالذات بين الشاعر الذهبي سعود العرعري والشاعر الصقر الماسي صقر مطير
سعود العرعري
بعدماطرف الليل النحاوي ياعـيال مـطـير = نجيبلك العلوم اللي عتيقات ن مصادرها
انا بكتب عن التاريخ من زود الغلا تقرير = مـدام ان العبيه دكت الارض بـحـوافرها
صقر مطير
ترى عبس الرجال اللي لهم في خاطري تقدير = ولانـقـدر نـزعـلهـا ولانـجرح مشاعرها
كتاب الذاكره مكتوب مايبغى منك تذكير = عسى يالعرعري صورتك ماتنسى مصورها
سعود العرعري
حبال الوصل موصوله ومر المجمعه وسدير = وشوف الحسو بايمنها وذاك القبر باايسرها
انا مـسلم وديـني يالـمطيري يـنـكر التـنصـير = قــبـور ام الـجـماجم مانـحفـر فـي مـقـابرها
صقر مطير
ترانا الاد عـبـاد ان وردنـا مع ورود البــير = سواتك مايقربها يموت ولايخاشرها
ولاياسعود لونرجع عليك بمحكم التفسير = نقول انك مثل غيرك تدورها تدورها
سعود العرعري
اكلت القرص بايدامه قضبت البير دون الغير = سمعنا بالمثل يوم الفرس تقطر صوابرها
لقيت الشجره اللي جمعت في عشها كم طير = طيور البحر لو طارت ماترجع في مواكرها
صقر مطير
ليامن صرت جاهل بالحرار اللي بضلع النير = تعلت فوق هامات السحاب ولاانت قادرها
لــقـيت اللي لقيته والعرب ماتـقبـل الـتـزوير = وانا ماني مزعل صاحبي بعلوم خـابـرها