حقٍ علينا لمن دعانا نجيله = مشيٍ على الاقدام وألاركايب
لدليم بن علوش شيخ وقبيله = حماية المظهور يوم الحرايب
أهل البويضا ما يباله دليله = أعمكم يا أهل الثنا والرحايب
من دور قاسم كاسبين النفيله = أخذينها بالطيب وألاغصايب
أفعالكم بالخصم ماهي قليله = كم واحدٍ عن جوكم راح خايب
فوق الأمهار ولا ركبتوا هزيله = عدوكم من فعلكم صار هايب
لا عدو الشيخان عند الجليله = يعد ابن براك ماقيل غايب
واليوم حققتوا علوم النبيله = ثلاث مسنودة لكم بالوجايب
والرابع بعون الولي له يجيله = للشيخ ابو علوش زبن الصعايب
راع الوسيطاء صبح وألا مقيله = الباب فاتح وأزرق العود رايب
وصفرٍ على الوجار صفٍ مثيله = مطباخته سبلا وثلاثٍ شرايب
ذبحه من العدلات كومٍ جزيله = فوق الصياني فعلته للنوايب
يقلط على على القالات يوفي عميله = يسعى بصلح لم شمل القرايب
وصلاة ربي عد مزن نخيله = على رسولٍ عد هل السحايب