بسم الله الرحمن الرحيم ::
السلام عليكم ورحمة الله وبركاته ::
مساء الخيرر اخواني عضاء ورزار موقع الجميع :
اقدم لكم محاورت
المراقب العام الشاعر /هاوي نجد
والمشرف / الـعـاقـل 1 :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
((هــاوي نـجـد))
مرحبا بالشاعر اللي درات الشكات حوله==غلطته غلطه كبيره مير دفعته ثمنها
استمع يالعاقل1 المطنوخ في شي نقوله==الحقيقه ياوسيع العرف ماعني وعنها
(((الـعـااقل1)))
البقا والشك مايصل الرجال اهل البطوله==كم رجاجيلن تراهنهم وتخسر في رهنها
الحقيقه واضحه وانشد رجاجيل الحموله==البلاد ابلادنا من شامها حتى يمنها
((هـاوي نـجـد))
الله الله يالعاقل1 لكن استلم وانا هاوي عمك
الولد يمدح لنفسه ونشدنا عن فعوله==مالقينا غير سرقه للقصيده مع لحنها
البلد من عقب مادوجت في عرضه وطوله==صادفت عيني رجالٍ في وطن ماهو وطنها
((الـعـااقـل1))
اسمع انت وان العاقل1 خلال عينك ههه
ياحليل الي يحاول شي مايقدر يطوله==لين صارت حبته تحت الرحى حتى طحنها
انت ماني خابرلك بالبلد صوله وجوله==مير مالك بالبيوت العامره والي سكنها
((هـاوي نـجـد))
خذها يالعاقل1 على الملازيم غير تسري مجنون الليله . ههه
اقدر اسرحك وضويك من دوله لدوله==واقدر ادخلك في ورطه ماحد يطلعك منها
والله انك منت قدي بالمعاني والرجوله==مير لاجتك الذلول الهامله جود رسنها .
((الـعـاقـل 1))
بدري عليك والله لعيفك بنجد واهلها هههههه
انته ابليس العور تال الزمن حطك رحوله==مير لوطالت شناباتك ترى العاقل حسنها
انت عندك مشكله لكن ماهي بمحلوله==والذلول الهامله خابرك تشرب من لبنها
((هـاوي نـجـد))
من حفظ لكتاب ربه من تبع سنة رسوله==ماقربه ابليس وسيورك بها اليله دهنها
كل جمع مجتمع يا هيه لآ يغريك ضوله==والذلول الهامله حذراك لا تقضب رسنها
((الـعـاقـل1))
اسمع العلم يالغليم
انت ضاري بالدهن ياصاحبي وقت الطفوله==وناس ماتلعن بليس الله سبحانه لعنها
هاوي اليله لبس نعله ولاهي من نعوله==واعرفه مثل الذي لاحصل الصيده دفنها
|
((وسامحوني على القصورر))