ياالله يامنشي سحائب مزونه=بأمرك يصب الماء الى الأرض تحييه*
ياواحدكل البشر يرتجونه=ماخاب عبدبالشدايد يناجيه*
يارب في رحمتك لام حنونه=جاوزعن السيئات وأقبل حسانيه*
ومن بعدهذامرحبا في لحونه=الشاعراللي هاضني في مباديه*
أخوي غازي مانخيب ظنونه=عسى الولي يحفظ شبابه ويحميه
يقول قبل الوالده تدفنونه=يبغى يقبلها وينظر بعينيه*
وأقول أناحاضرلما تطلبونه=أجلت دفن الوالده لين تاتيه*
وادعوا معي دام الدعاء تسمعونه=عسى الولي من حرناره ينجيه
وتسكن مع الابرار مايسكنونه=وفي جنة الفردوس تسكن مبانيه
وصلاة ربي عد ممطر مزونه=على نبيا"كلنانقتدي فيه