عناد الميموني
يالمهترش يامـكبر اعلومك عــسى ربي يعين=افتح فمك اغلق فمك خذها وألاخرى خلها
اقول ريح واسترح ورتاح اقول اعجن عجين=واليا وعـيت الصـبح قابلني عشان ادبلها
المهترش
ياعناد انا عندي هديه طيبه للمشرفين = مدري يكفــي نصها ولاتبــيها كلها
اسلم وسلملي على كل ازملاك الطيبين = اليا تردا حض خلق الله مني ربلها
عناد الميموني
استر ياساتر لا صحو من نومهم هالنايمين=ياليتهم في نومهم من قبل اجي وازهملها
يالمهترش يابو هدايا طحت في الفخ المكين=اجـــلس على هديــتك لا جبــتها تشــتلها
المهترش
مافيه غير الخير جنبك خله الليله متين = المهترش جنـبيتة مايردها لاســلها
هديتي للبـاب ابو درفه اتسوي درفـتين = واللي مايبغا له هديه مايجي عانلها
عناد الميموني
الديك يذن مير ماصــلى ولو هــي ركعتين= قـاقـا ولا صــلى علامـه ياولد يـذن لــهـا
مافيه غير الشر لا منك نزلت مع البـطين=ما انته بلا قيلك بيوت(ن) تسـتظل ابـظلها
المهترش
يذن فرح يوم الدجاجه عشرت فى بيضتين = غصبن على خشم الدجاجه لومهو راضلها
ياعناد نص الناس قامت تنضرك فى نص عين = هذا مصير الي علومه ماهو ابصاحلها
عناد الميموني
البد علي بيضك واخذ مني عليها كلمتين=ليته رقد ماسلسل المسكين يوم(ن) غلها
اثر الرخامه بينه في علومكم ياضعيفين=بفرك خـشيم اهل الضعافه ياعرب واذلها
المهترش
ا نته مـعــك قريـنتك والمهتـرش مـعـه قـريـن = وانا قريــني كــل مامرت قريـنه ثــلـهـا
فى شاربك ثنتين ونا بشاربي سمن اوسمين = انا ابتسم عندي ثقه و انت الدموع اتهلها
عناد الميموني
الذيب لا شاف الطلي حطه عشاء له لليلتين=اقمــح ياقامح تشــتكي دق اللــيال وجـلها
يالجودي كبر البسيطه ضاق بك من صفقتين=تضحك وانا في غاربك من قبل يوم افلها
المهترش
الذيب انا وانته عدو الذيب من طول السنين = والبدو ماتنشد عدو الذيب وش غادلها
تضيــق بلي مثل شـروا عــناد ماعنده يقين = اعناد كله مهزله والمـــهزله ضــارلها
عناد الميموني
دنفوس والدنفوس ماينفع ولو يطحن طحين=شوشتك والله حالف(ن) بين العرب لا بلها
طوقان ياطـوقان في رقبتك حبل به ربطتين=اسحبك في رقــبتك علـى ميــدانها واتـلها
المهترش
دنفوس وجــهك والفلــس بين بوجه المفلسين = يلــي تطاولك رجالن منته ابقـد الها
طوقان اخوك امن الرضاعه يكرمون السامعين = دل الدروب الي تـوردك الموارد دلها