انا هنا في دار عز الجـار مزبـان الدخيـل=الديره اللي ما يعيـب الغيـم لـو ينزلهـا
دار الكويت اللي لها في فيت العليـا مقيـل=عسى مراويح السحـاب المرزمـات تعلهـا
شعت على حفل الخرينج شمس عز بعز ليل=قل للقلوب اللي تـروم العـز لأبلـج قلهـا
الليله الليله رشيديـه مـن الـوزن الثقيـل=نوماس / من ركزة مخيمها لما طـى زلهـا
جينا نشعللها شعر لهجة قصايدنـا صهيـل=ومن لا قسى قلبه لها زرق الدمـوع يهلهـا
عيون نكحلها رضا لعيون منسوع الجديـل=ولعيون منسوع الجديل عيون نعمـي دلهـا
لبية يادعوة عزيز الجـاه كسـاب الجميـل=ولبية ياشوفة هل العطفى عساي فـدا لهـا
تبارك الحزات ومبارك اليـا هـاب الذليـل=زيزوم فزعات الرفيق اليا تصاعـب حلهـا
قلته وابا قوله وانا عندي ليـا قلتـه دليـل=والهرجة اللي ماعليها اثبات قـوم وخلهـا
أنشد مساجين الكنانة كيف كانت مستحيـل=واسمع علوم ترفـع الهمـه ويبـرد غلهـا
أومى عليها كاسب الطوله عسى عمره طويل=وقف لها وقفة بطل تسوى المواقـف كلهـا
كانت تبي مثلة وهو مثلة عليـم الله قليـل=لله در اللـي تزهلهـا وهـو كفـو لـهـا
هداج عبس بمدت اليمنى اليا شـح البخيـل=ياما ملايين تنافض فـي يـده مـن ذلهـا
عاقل الينه يعتزي واليا أعتزا عـود هبيـل=وامن السطاره ما يحسب دقها مـن جلهـا
والمال ما يغني ردي/ والطيب مامثلة حصيل=والجود ماله شغل في كثر الفلوس و قلهـا
واللابه اللي كرمت شعري وشبتنـي فتيـل=من قدرها سيد طواريقـي غـدا عبـد لهـا
والله ما عنزها على الظلع القصير والهزيـل=واللي عقد روس الحبال المبهمـات يحلهـا