جاني الخبر يا صاحبي واظلم الكون
قدام عيني ثم نطقت الشهاده
على العموم اقولها الف مليون
مبروك من قلب شكالك بعاده
مبروك لايهمك سواليف وظنون
من عاشقً يهديك فرحة فؤاده
سوا الفرح اليوم وابليس ملعون
واللي يشب النار يجني رماده
انا اول العالم على القصر يلفون
اول معازيم الفرح والحداده
ابشر انا برقص على العرس بالهون
كل يعبر فرحته باجتهاده
لو البلا رقصي يقولون مزيون
المشكله القلب يفضح وداده
يوم العذارى في دخولك يغنون
وعروستك باحلى ثواني السعاده
كنت اتمنى بدالها والله اكون
واحط كفي تحت راسك وساده
وشلون ابكتم صرختي يوم يمشون
تكفون خذوني للعروسه قلاده
حتى معازيم الفرح قام يمشون
واصبحت انا وحدي بدون استفاده
وطفوا علي النور من غير يدرون
قصر الفرح ياقبر....ومهاده
وصيتك لوجاك بنت انا امون
سميتها لك.... قبل الولاده..
تقبلو تحياتي :
"فــــهــــد البراك"