السلام عليكم ورحمة الله وبركاته
يسعد الله ايامكم بكل خير
هذي محاوره بين كل من
الشاعر /عتقاء الجريمي
والشاعر/ سعود العرعري
الجريمي
مرحبا مرحبا باللي يسد النوب === قلتها باول الرحله وباخرها
الهقاوي بعيده والوفا مطلوب === وانت ياسعود تنساها وتذكرها
سعود العرعري
مرحبا ونت عندى شاعر ومحسوب=الرجاجيل من يعـرف ضمايرهـا
اشرب الغيمه اللى فى نحاها نصوب=شـدو البـدو ماشفنـا جرايـرهـا
الجريمي
ليه تبدا ء مثل مبداي يامحبوب === كلمتن قلتها وشبك تكررها
فتحت دروب لكن باقيات دروب === وستلم والعرب تكتم سرايرها
سعود العرعري
ماعليه ذنوب ولا عليك اذنوب=ساير ايامنا من شان اسا يرها
كمل البنيه اللى من سمنت وطوب=لجل اجيكم مهنى قبل زايرها
الجريمي
رحت في صوب وانا رايحن في صوب === ولبضايع ثمينه ماتسعرها
اشهدن الجهل ياصحابنا عذروب === صغر رجال ورجالن يكبرها
سعود العرعري
الجريمى لبس بشته وشق الثوب=والبنـادق يزهبـهـا ذخيـرهـا
ربك اللى عقل يوسف على يعقوب=مير خل السفن تتبـع بواخرهـا
الجريمي
لابسن بشت عز ولاعلي عيوب === وربعي لطيبه ماجرح مشاعرها
ماقسمه الولي يالعرعري مكتوب === دبرت الله ماحد يقدر يغيرها