جيت اللي حاجه ابراع المواجيبي =راعي الفزعات يعـرف افزعـاته
عند عبدالله احصان الاطاليبي =ما نسينا قبل هـاذي جمالاته
عز ربعه ماكر الجود والطيبي =بذلت المعروف والطيب عـاداته
قبـل لا يقضي لزومـي ايحييبي =وقضيت الازم اتسابق اتحياته
بـالوازم ما يجي فيه تجنيبي =وكـل مـايامر اتـنـفـذ طلاباته
الوفـا مـاهو على مثله اصعيبي =لـو ايوصي توصيه تنفذ وصاته
بكل طيبتن مضت له تجاريبي =من صغر سنه على الطيب هوماته
جـانبه محمي عن الشك والـريبي =ابيض وجهه ما يمشي ابخملاته
يـابـعد منهو اقـريب محاضيبي =يـا مدحته شك من قشر نياته
انت حـرن مـاكره بـالمراقيبي =وكـل حـرن تعرف الناس هداته
دربك والـدك بـالطيب تدريبي =لين فيك الطيب بانت علاماته
تمدحـك ربعك وكل الاجانيبي =مـن يجيلك تجتهد لـه امقضاته
والوفـا لـو غـاب راعـيه ميغيبي =لـو يغيب أيعد فعله ابغيباته
والردا عدن خبيث الـمشاريبي =ونتوفـا صـاحبه قـيـل هـفـاته
والنهـايه فـي ختـام الـمكـاتيبي =بيض الله وجه من شفت وقفاته
وطـال عمرك ياقليل العذاريبي =طـولتن في طـاعت الله ومرضاته
******** type="text/**********">doPoem(0)***********
الشاعر/ ناصر خنيفر الرشيدي
الله يعجل في شفاه ونعم الرجل وغيابه
فقيده على القبيله كلها وهذا الرجل تجتمع فيه جميع خصال الرجال الحميده وقلت فيه هذه الابيات المذكوره علاه قبل عشر اعوام تقريبا
وهذا من مايدل انه راعي فزعه ونخوه
لبني رشيد وللقبايل الاخرى رجل يعجز الكلام
والاقلام عن وصفه مشكور ياسعود
على النقل ونشكر اشاعر
تركي غلاب البراك