يا بنت انا من شجـرةٍ تثمـر ابطـال=اهل السيـوف المرهفـات الصقيلـة
اللي ليامنـه صلـى حامـي الـلال=يـومٍ يبـور ابـه الخليـل بخليـلـة
الهم فضـل تغييـرة الحـال لحـال=مهما يكـون الوضـع بيـاء وسيلة
عنتر وابن براك في مـاض الجيـال=فعولهـم تسمـو بسمـعـة قبيـلـة
ولا زال فيه ارجال في كل الاحـوال=شوفـي فعـول ابومعـاذ الدويـلـة
من دون ربعه يبذل الجهـد والمـال=دفـاع هجمـات النفـوس الغليـلـة
من روس عبس من الدواهي والاهوال=اللي لهم في عبـس ذكـرى جليلـة
يا بنت انا ما شكي من القيل والقـال=مـدام عنـدي مـن مبـارك فصيلـة
ابومعـاذ اللـي كمانايـف الـجـال=لـو هبـت اعتـا عاصفـه ماتشيلـة
اثقل جبل لكـن فـي جسـم رجـال=مـتـوكــلٍ بالله والله وكـيـلــة
هاذي علومـه جعـل تفـداه الانـذل=يتعب ويسهـر لجـل رفعـة قبيلـة
وانا ماقلت الشعر من شـان مدخـال=لاولـذي يعـط العطايـا الجزيـلـة
لكن انا شاعر ولـي سـوق المثـال=اسوقـهـا لابـومـعـاذ ومثـيـلـة
والمدح باهل الطيب مفروض ينقـال=لصـار مـدح وتثبتـه فـي دليـلـة
وسـلام منـي عـد ماهـل هـمـال=مـن مدلهـمٍ سيـل القـاع سيـلـة
اهديه لك يـا طيـب العـم والخـال=في كـل يـوم وكـل ساعـه وليلـة