بعيد الهقاوي
مرحبا بالفارس اللي علومه من ذهب= عارفـن للسالفه دقـها من جلها
قوم يالفارس ترى مايلحقك منا عتب= انت شاعر للمواقف وكفون لها
الفارس
مرحبا في شاعرن معروف ماعمره هرب= والله انك عارفن للمراجل كلها
المـهـم العــب مع الذيــب مالعب مع ذنب= فيه ناسن يابعيد الهقاوي خلها
بعيد الهقاوي
اه من بعض العرب اه من بعض العرب=ليـه مايخــلي علومن ماهوقدن لها
خل بعض الناس يلعب وصفق لاللـعب = اه من بعض الملاعب صعيبآ حلها
الفارس
مــشكله لاصار شاعر وماعنده ادب= ويش اســوي للبهايم وكـيف اعملهـا
وين نـواف يهـدي من بعـض الكتب= كيـف كلمه ساقطه نواف مايفطن لها
بعيد الهقاوي
لـو نـتابـع كـل عاهــه يعنينا التــعب=خل عنك الشجره اللي عديمن ضلـهـا
لويعرف السالفه نواف صابه غضب =يمكـن انه يمـسـك الشــرذمه ويغلـها
الفارس
المثل قال الاجـرب يصيبك باالـجرب= الدروب دلـها والــدروب نـــدلـهـا
جـعـل رجالن تردى يروح وينـقلـب = اكسب الطيب والا الردايا اصـلـها