يالله دخيلك تالي الوقت وش صار
مصايبٍ كل العرب شاهدوها
مصايب الارهاب بيمين ويسار
مافيه دوله مسلمه ماغزوها
حنا بوجهك من عنا الوقت لادار
وتحمى بلاداٍ فالامن امنوها
دايم وحنا نسمع بعبر الاخبار
جرحى وقتلاء بالعدد ماحصوها
واكبر مصيبه حيرت كل الأفكار
حتى مساجد ربنا فاجروها
وش بعد هذي يابعيدين الأنظار
هذي حياتٍ بسجل كانسلوها
افعال ماتطري على قلوب كفار
وهذي قلوبٍ بالهواء ضياعوها
يستدعي بدينن ماهو دين الابرار
ديانة ابليس الرجيم أخذوها
دين النبي محمد المخلص البار
بري منهم ياعرب وسمعوها
دين النبي واضح ولافوقه اغبار
هذا صحيح وكلمتي وفهموها
الدعو معي ياجعلهم داخل النار
ومخلدين بوسطها لوصلوها
الشاعر
نواف محمد المحمدي