يارساله(ن) جتني على فجة النور=من واحد(ن) غالي عزيز(ن)عليه


قريته وشبت على القلب دافور=وهلت دموع العين غصبن عليه

كل البشر في حكمة الله مامور=ومافيه احد باقي جميع البريه

يابو فهد ماجور من كل عاثور=ياعزوتي مايهون وضعك عليه

تنعا فراق ابوك متلام معذور=عساه في جنات عدن العذيه

والرجل يصبربا لشدايد وبالجور=وعزيمته بالله تبقى قويه

وانت الذي بريت بابوك مخبور=ومع الخوي والجار راعي حميه

ولك مجلس(ن)بالطيب والعزم معمر=وراعي كرم يمناك دايم نديه

ماقلته مجامل ولاني بمجبور=شهادت(ن) لله حقن عليه

وانا ادري ان البيت بخطه ماثور=وذكراه باقيتن سنين مديه

اخذ جواب الي بالحزان له دور=اربع سنين ومقتفيه شويه

لاكنك اصبروالصبر نور وسرور=والوقت يمضي بين هذي وذيه

يامسندي بهديك من ضامري شور=شور الرجل لصار يغلي خويه

انت العزيز الي لك بضامريدور=عليك تدعيله بصبح وعشيه