سلامي سلامن ياصل لغازي البراك = راع الموقع اللي فيه عذبات الالحاني
يا مجلس هل الماجوب من جاك ما يجفاك = تزين السوالف فيك مع ذرب الايماني
وانا والله اني يوم اغني طرب وانصاك = من الفرحه اللي ساكنه وسط وجداني
فرحنا بموقع شعر راقي ومن يمناك = جمعت الادب والله يجازيك باحساني
كلام حسن ! وإحساس راقي ! ومنطق فاك = وفعلن ينومس من قديمات الازماني
وانا اقول قول الحق لو كان ما يخفاك = لزوم اني اذكر واقع الحق بلساني
واعلم ربوعك عن شهامتك قبل اعداك = علشان نلجم كل مسترزق وجاني
ويمناك ما تصفق وحدها بلا يسراك = ابشكر معك فالمنتدى كل الاخواني
سلامي سلام المسك يا غازي البراك = وعلى المسك زدت إكليل وردن وريحاني