ياأمير أنـا عنـدك حشيـم وغالـي = ولا احــــب انا شئ يمـس الكرامـه
نفــسي تـروم المرجلـه والعوالـي =هـذا هـدف نفسـي وهـذا مـرامـه
تاجرت في بـاب الشكالـه بمالـي = بعت الرخامـــه وأشــــتريت القرامـه
انــا مهـبـول وجايـزلـي هـبـالـي = هبال طيــــب ولا صحـاوة رخامـه
هـذي تفاصيلـي وهـذي خصالـي = يقول اللي مـا زهـف فـي كلامـه
أن جزت لك فأنا الرفيق الموالي= وأن عــــفتني مسموح ومــع السلامه
دور وتلـقـالـك رفــيــق بــدالــي = وكـل يبـي رفقتـك تـرفـع مقـامـه

وليت يـا مسلط كـريـم السبـالي = من هول بيـتٍ يستحـق الـزعامه
بيـتٍ تمنيته وهـو ما ينالي = ودامه خطــف قبـلي فلا لي ملامـه
انـا اتهـم انـه خاطفـه مـن منـالي = فـي غفله كـل غـرق فــي منـامه
لـو كان وقتـي غـرنــي عـزتالـي = وغـديـت طيـر وهـو الشبـك والحمـامه
وقـت ٍ علـى كسـابه الطيـب مالـي = يلعب بشيخــان العرب لعـب دامـه
من اول تــذرى خشوم الجبالي = واليـوم يغني عــن ذرا الضـلـع خامه
ومـع كـل ذا مـا جمعـت الـريالـي = ويهـون مـوتــي دون جـرح الكرامـه
واجـئئود باليمنـى وتجهـل شمالـي = وهبال مسـلط يعطي الـراس زعـامه
حـي مهبول صـامل مـا يبـالـي = ولا صاحـي وقـت الشـدايد هـلامه
الشعـر بنـت لبو زيـد الهـلالـي = وبيـت مسلط يـلوح بخـدها كنـه شـامه
انـأ اتهـم انـه ماخـذه مـن منـامـي = فـي لحظـه قلـبي غـرق فـي منـامه