والله اني عليك أشفق من أمك عليك =وانت غاية مرادي من جميع البشر
والله أني على عهد مضى يوم أجيك =اذكرايامنا الحلوه وليل السمر
والله انك على بالي و نفسي تبيك =لكن أحتار مالي في وصالك عذر
خادم تحت رايك خاتم في يديك =مبتلي بالعيون ومبتلي بنحر
الله اللي عطاك الزين ماله شريك =جل من صورك بالارض درة بحر
يوم وصفك ما أدري ويش أباقول فيك =أن تنحيت عني وأن نطحتك قمر
و لو شكيتك يا كثر اللي معي يشتكيك =من يشوفك بليته وابتلى بالسهر
أه ياعزتي له لا وقف يحتريك =وده أنك تمره أو يمرك ممر
أنت مرتاح طبعاً يا حلو وش عليك =عارف أن الشباب يصدقون النظر