السلام عليكم ورحمة الله وبركاته
مبدي باللي للـــمخاليــق قـــــاوي
الله ولاغيره الــولــي مرتجينـــه
ومن بعد ذكر الله وحسن الدعاوي
عبرت عن مــابالقلوب الــحزيـنه
عبر البيوت اللي عليها شفــاوي
اخترت زين الشعر وتركت شينه
مني لبن خالي قــوي الــعزاوي
رجلن بدرب الطيب تفعل يمينه
طــلال ياطـلال قلب شــقــاوي
يرجف كما ترجف سيور المكينه
على وليفن حط بالقـلـب كـاوي
ولعــب بقلبــي لــين بيح كــنينـه
تل الضمير وراح ماله حراوي
وأنــاأشهدني شفت مــنـه الــغبينه
هذي ثلاث سنين وأنا رجاوي
أطلــب بجمع الشمل بينـي وبـينــه
بس أتجد شوفته بالمناوي
مـثل السـجين اللـي توجـد ضـنيــنه
الشاعر//عواض الرشيدي