راكب اللي للخطوط الطويله صمموه
كل ماطالت مساريه عزمه زادبه
جيب شاص آخر موديلات منهم وردوه
بالبواخر للوكيل السعودي جالبة
وارد اليابان صنع الخواجه نعنبوه
مابلش بالتقنيه والتطور شاربه
صنعته من حبه سنه عليها درسوه
لين مافيها تفنن وصيته ذاعبه
خلد اسمه مع هالمجد واسمه خلدوه
في مجال الصنع حاز اللقب وامتازبه
بالمزايا يعجز اللي يبون يوصفوه
كل من حاول يعدد وصوفه حاربه
يوم يقبل تقل حرن على الجول اطلقوه
اقطمن ومحركاته تقل متقاربه
في وقوفه هيبة القايد اللي كلفوه
قايدن للعرض قدم المليك ونايبه
في جنوبه لاادهم السحب لونن شكلوه
فيه من لون الطبيعه وصايف جاذبه
يوم يقفي تقل ذيبن هالمرح اصهدوه
عقب شاف الملح خلفه يزم وجانبه
منوة اللي كل ماضاق والناس ازعجوه
لجل من حبه سكن في حشاه ولاج به
مايبونه من نصيبه وبالظن اتهموه
عنه قاموا يسندون العلوم الكاذبه
ومر طيفه يوم بالهرج عنده ذكروه
وابغض المجلاس واهل الوجيه الشاذبه
ودق سلفه يوم صافي مزاجه عكروه
يوم كلن قام للنوم همه عاثبه
صوب داره مادرى للكلام اللي حكوه
كل همه شوف زوله وضحكة حاجبه
الشاعر/عبدالرحمن هليل