طاروق بيني وبين معيض الهطلاني ارجو ان ينال اعجابكم ..
معيض الهطلاني:
يامرحبا ترحيبتن جزله ليا جاها مجال
فكيت برقعها بعد ماجيت افك اسبوقها
العام تكتب من عقل واليوم تكتب من خبال
مير ابدع الابيات بالميدان في طاروقها
حمود البراك:
دام البقا ماعاد فيها لا خصام ولا جدال
النوض باين عالي الجبه علينا بروقها
العام نفسك عاشت الحيره وخلاطها جفال
وواليوم ترجع يمتك البينه بشروقها
معيض الهطلاني:
انته ليا منك تعاندني ترى زان السجال
وان جاتني فعايلن يبسه نذر لا اروقها
ياحمود ابن راشد انا في خاطري كم من سؤال
وشلون ناس (ن) واثقه بك ياصحيبي تبوقها
حمود البراك:
الدرب قدمك ياوليد الناس تحداها الجبال
هون على نفسك ترا غصتك بان لحوقها
اسئل عساه تنثني ساقتك تطويها اليال
الظاهر انك ناوي تدخل معها دروقها
معيض الهطلاني:
انته علامك خايف من الساحه وشعار خال
خالت معانيها من الاشعار في منطوقها
احيان تكتب من فعل واحيان تكتب من خيال
وبضاعتك ياصاحبي ماهي رخيصه سوقها
حمود البراك:
الساحه الي ضمنها تهريج قال وقال قال
ماعاد تطربني لحون السامري طاروقها
ناخذ من الدنيا تجاريب العمر رغم الجهال
استنفرت بضايع الجيران عزم فروقها