تدري أحس إني من سنين مفقود
ووجيه خلق الله ضياع ومتاهات
لقيت نفسي فيك لو كلك قيود
ولو كان شوفي لك يعيد لحظات
ماتبعدك عني مسافات وحدود
وتبعدني عن غيرك حدود ومسافات
إذا جرحتك من خطأ غير مقصود
أبي السموحه ولا تفكر بما فات
علي كفي طول الايامممدود
وروحي تحوفك وين ما رحت بسكات
أسهر على ذكراك والعالم رقود
وعليك من قلبي سلام وتحيات
على البشر أشوف في طلتك زود
السالفة مجد شموخ ومقامات
من اقترب منك من الناس محسود
حظه نزل من فوق سبع السموات
وأما أنا ..مقفي ولا يمكن أعود
وان مت لاتبكي علي أنت بالذات
لاتنزل الدمعة من عيونك السود
قل للحزن جرحي سهود وسلامات
الصاحب الطيب إذا غاب مفقود
وإلا الردي مفقود في كل الاوقات
احد يموت وبيننا حي موجود
واحد يعيش ونحسبه ضمن الاموات!