غلاي لك غصـبٍ تغل غل بالأعماق
~~~~ غلطاااان كان انك "تظن" الغـلا لك
لانته عـزيـز القـوم قـطاع الأعناق
~~~~ ولانت الشريف اللي عمامك خوالك
وان جيت افتش بالدفـاتر والاوراق
~~~~ القى غَبَـاب "الحقـد" والشـر فـالك
حتى لو ابعث لك تحيات وأشواق
~~~~ اللي بـدا لك "غــير" مـاهـو بـدا لك
حيثك على ديّـان الأنـذال مشـتاق
~~~~ وايضاً "يمينك" محتـزم بُه شمالك
حتى ولو لك عند الأعلام ميثاق
~~~~ يكـفر بك اللي "يكـرهك" ويحدا لك
فالكـره يمّـك بـالغ "حدود" الآفـاق
~~~~ كـرهٍ قـدر يحـوي "نطـاقـه" مجـالك
ياساكن كهـوف الضلالة والأنفاق
~~~~ مـالك هـنا "مـزبـان" أو مـلـتجأ لك
كان انت تنشد عن رفيعين الاذواق
~~~~ هـذا جـواب اللي بقى من سـؤالك
جريح الغربة الشمري