عجزت يا بندر البراك يا غازي=عجزت عن شكركم بادت بي الحيله
وشلون ارد الثناء وشلون ابا جازي= اللي لهم في سنام المجد تعليله
اهدو لي اوسام في تقدير واعزازي=مامنهم اللي تحرّى ويش ابا هديله
لو اهدي المملكه وابراج بنغازي=والبيت الابيض بقوّاته واساطيله
ماوفيتكم حقكم تصميم وانجازي=لو اتهقوى بظلع اطويق واشيله
لو البحتري وبن حيـّـان والرازي=في عهدكم ما خذو بالمدح تدبيله
يا ذخر راع البويضاء فزعة اللاّزي=لا من ولد الردي قلّت محاصيله
العيش والموت عند دليم متوازي=في ساعة تبهت الخيـّـال وتهيله
لكن اباهدي لكم شعري وما حازي=من مفردات الذهب ما هيب تشكيله
وان كان يسمع به السامع ولا جازي=تركت نظمه لغيري واعتزل جيله