السلام عليكم ورحمة الله وبركاته
اخي الزائر الكريم
يشرفني مرورك على هذه الابيات المتواضعه
عسى ذنبي على اللي جابني لبيوت منزولـه=خـويـي بنهـايـه ماصـفـت مابـيـنـي وبـيـنـه
أنـا وشلـون أبرجـع رجعتـي ماهـي معقولـه=أخاطر وقطـف الـورده وهـذا الـورد يازينـه
نزلت وشافت عيوني عيون وساع مكحولـه=أناظر في سواد الكحل غطاء رمشـه وعينـه
ينادينـي بيـاض الوجـه والساقـيـن مفتـولـه=تنادينـي ردوفــاً حطـهـا الشـاعـر عناويـنـه
تناديني بيوت الشعر وصف الشعر في زوله=خواطـر والخـواطـر فـيـه يازيـنـه وياشيـنـه
تصافقها هبايب نجـد ريـح الطيـب مرسولـه=تشم الطيب قبل تشوف فـي عينـك دخاخينـه
أحـس بضيقـةًً بصـدر مـدروسـه ومعمـولـه=عرفت أني وقعت ولا مسكت قلبـي موازينـه
أقــرب واتـقـرب ولامــال بـعـيـد مجـهـولـه=وصـدق كلمـة لـي قالـي مـا ينوصـف زيـنـه
******** type="text/**********">doPoem(0)***********