محاوره رائعه من احدى ليالي المحاوره الاسبوعيه تخللها التفنن في الالغام الموقوته وقوة الفتل والنقض من الشاعرين التي كان طرفيها
الشاعر العملاق سعود العجوني والشاعر العملاق العاقل اتمنى ان تنال على استحسانكم ورضاكم
سعود العجوني
اتوكل وبتدي بالتحيه والسلام== ان دخلت بمعركة قوم ولا ملعبه
ون دخلت المنتدى ماعلى راسي ملام= كل شاعر باخصن وش نحاسه وذهبه
العاقل
مرحبابك يالمسلم عدد وبل الغمام ...والوفاء ماتجهله والخطر لاتقربه
مانلومك دام تمشي على حسب النظام...ولك عميلن عارفن مكسبك من مكسبه
سعود العجوني
لا ترجا الاوله لحقت اسراب الحمام== اطلق اللي تطلقه وقضب اللي تقضبه
الزمن هذا بلاني وانا شايب تمام= يتعب الشايب على الورع ويضيع تعبه
العاقل
من يشيل البندقيه ولاعنده حزام ...ياسعود اقرب من اشروق شمسه مغربه
انت شيبك الزمن وانت في سن الفطام...والولد لاجاك لازم يحطك بشنبه
سعود العجوني
لاتوصي صايد الهيم في واد الهيام== ون لقيت اشعيل من دون راعيه انهبه
من لقينا جرته وختفى بين الجهام= لو يقولون احسبه قلت يبطي محسبه
العاقل
كان هذي صيدتك مابقى عندي كلام...كيف جنبت القفر والفياض المعشبه
تالي الايام يمك كثر رمي السهام...وراعي المزهب لقيناه فاضي مزهبه
سعود العجوني
انت لو تفهم كلامي عطيناك الوسام= ماستحقيت التقاعد بنفس المرتبه
ليش اقول ارتاح والطق بالميت حرام = الحقايق بينه وكتب اللي تكتبه
العاقل
انت من زود الزعل كن مابحلقك عظام...مير محلا طلعت البر حول الدبدبه
لو يموت سعود ماقول جعله للرحام...كان مايعرف الفوارق قبل عرف الشبه
سعود العجوني
لاتمر الدبدبه والشهب الذيب بسنام== استريح بحرة النار والرب الطلبه
لو يموت سعود لدتبك عيون الانام== العيون الحاقده والعيون المعجبه