08-05-2010, 03:15 AM
|
رقم المشاركة : 1
|
|
|
ياويل قلبي كثر مشتاق5 لقياه
ياويل قلبي كل مااشتقت لقياه
وشلون ماتشتاق عيني لعينه
انا أدري إني حيل احبه واهواه
وأناأدري أن القلب صار بيدينه
أموت أنابه في غيابه وأحياه
وشلون أجل لوصافحتني يمينه
حاولت أنا أكتم عبرتي يوم فرقاه
وألملم جروح الزمان الطعينه
وأعطيه من قلبي المعنَى معاناه
وآخذ من جروحه ولو هي دفينه
وأضيع به في زحمة الناس وأنساه
وأنسى معه ذكرى السنين وحنينه
لقيت نفسي كل ماحل طرياه
عروق قلبي كلها تقول وينه
يامر على قلبي ولاشك ينهاه
كلي اناتحت الإشاره رهينه
ماكل من يضحك سعيد بدنياه
وماكل من يبكي دموعه حزينه
أحدن بكى والكل يدري عن بكاه
وحدن مع الضحكه تحس بونينه
ياشين فرقى الحب وياشين بلواه
والمشكله دنيابلاحب شينه
والزين مايكمل ولو كان ماحلاه
إلا حبيبي ماتغير بزينه
ماجيت أسولف عن حلاه
يكفي أحاسيسي وقلبي عارفينه
كن الفضا في غيبته ضاق مسعاه
وكني غريق ينتظرله سفينه
شف دنيتي ياصاحبي عقب فرقاه
مثل الظلام اللي حصل بالمدينه
باكتبه أنا في صفحة الشعر وأقراه
وبذبحه بزود الغلا دون سكينه
وبارسمه في لوحة الشعر وانعاه
وبادفنه بين الضلوع الحنينه
بوسط الحشا في داخل القلب مثواه.
أما يسار القلب أو يمينه
|
|
|
|
|