ودي اعاملك يابنك لومالي حساب=وكتب اسمي كنت وقت( ن) مضى ملياردير
عملتك صعبه تغطي بنوك الاكتساب=كل بنك( ن) عالمي يعتبرعندك فقير
يازعيم الشعر والعرف دكتور الاداب=والله انك في بني عبس مقطوع النضير
في مدلهت الخوي في مطوعت الصعاب=في نهارن مايعدي وشره مستطير
اليال اتدور ياعيد وتحث الركاب=لقبلت حلوه ولقفت عبوس (ن) قمطرير
شيبت في راس جدك وهو توه شباب=فارس (ن) لأ غار قدامه الفجعه تغير
فوق الادهم يحمل السيف مصقول النصاب=ويتصدى عن بني عبس للجمع الغفير
في جواره ترتع الخشف تلعات الرقاب=يحتميها طيب الفعل وا لسم الشهير
يشهد التاريخ التاريخ والي قرينا فلكتاب=بذهب مكتوب والفض الابيض والحرير
ياعقاب (ن) مايجاريك ياغير العقاب=لاحضر برق الكراوين لايمكن تطير
لاكن اليوم اصبحت لاتذل ولاتهاب=في سمانا حلقت وزعجتنا بصفير
عقبك ام الودع وم الخلاخل والخضاب=مستكنه بين لفح السمايم والهجير
حضها الي حطها بين ضرس وبين ناب=ياالله الرفع شانها يالطيف وياخبير
كثرة الافات وا النور غظاه الضباب=والدليل ان المفتح يقديه الضرير
اقفت الدنيا بروس العرب والقاف شاب=والسلام اختام فلعود الازرق والعبير