جينا نشارك فرحة اهل المواجيب = اهل الكرم والطيب واهل الجماله
يامريف زانت اللي لحون وهناديب = المدح هذا الجلادي مجاله
مبروك ياحمد يا سلالة هل الطيب = متوارثين الطيب عمه وخاله
وابوك شيخ ماضي له تجاريب = عساه بالجنه ولايشين فاله
مامات دام الذيب في مرقبه ذيب = الميت اللي ماتنومس عياله
مجرب بالطيب عطب المظاريب = جده يصد الخيل لاوهو الحاله
لوفان لواف العداء والاجانيب = الينتخاء فيه الرشيدي عناله
يا الجاهل اللي ماتعرف الاشانيب = انشد وتدري خل عنك الجهاله
دور على اللي لحيته كلها شيب = وانشد عن صنيتان واسمع مقاله
الياغزاء يجيب حرش العرقيب = كم ذود قوم حطه من حلاله
ولامات دام الذيب في مرقبه ذيب = الميت اللي ماتنومس عياله