والله مالوم الغزال اليا هـرب عنـي=
مواري الكبر جفل ظبـي الابـراري
العام حلـو اللمـاء علومـه يسلنـي=
واليا سألته عطاني خاف الاسـراري
واليوم ضنه نشوفه مخلـف ٍ ضنـي=
عقب الوفا والمحبـه خلقـه تجـاري
يجوز يومـن سنـه مخلفـن سنـي=
ولاهي على الكيف هاذي حكمة الباري
طويـت حبـل المحبـه لـو ينادنـي=
خليت سوق الهواء للبايـع الشـاري
ماعقب بيضن مـع الحيـه يلوحنـي=
من يوم بانن قنعت وقلـت اسفـاري
يالسبع تكفا علـى التوبـه تعاونـي=
لاتصور الريم يطرلي ميـت طـاري
وان شفت معيوف بالماجوب لايكنـي=
نبعا نصيحة مطـوع كاتـب وقـاري
والقاضي اللي له ابيوتن يشـو قنـي=
يدلي برايه قبل قصـاف الاعمـاري
وان شفت ابو ذيل وذيولـه يومنـي=
قله ترى العمده انكف عنهن جبـاري
ورد الخبر لبن نافع محـرق البنـي=
سهل عنه لو مدحته تنقص اشعـاري
واما الجحش لو درالي وصل متعنـي=
ياتيك يهذل يبـوج اجبـال وقفـاري
اما ابوصالـح بيوتـن منـه كفنـي=
والله مانساء مواقف مكـرم الجـاري
واخر خبر مانسيت الصاحـب الفنـي=
ابن صويان الـه حشمـه ومقـداري
ابلـغ الكـل تبـت وذا عهـد منـي=
والله يمحا خطـاي وكـل ماصـاري
مالـد باللعيـن لويـاتـن يمشـنـي=
ولاخص الاجسام بين اطوال وقصاري
تكفـن يالبيـض امانـه لاتلومـنـي=
ابا اغتنم مابقا عن حامـي النـاري
الشوف قرب وجسمي كنـه الشنـي=
من عقب ماني خوين لاشهبن ساري
بتيت حبـل المحبـه جعـل مايثنـي=
ورفعت كفي لربـن يعلـم اسـراري
سوداليـالـي مـاودنـه ماجابـنـي=
اجدودنا وينهـم ياطـوال الاشبـاري




ناصر خنيفر