اقتباس:
المشاركة الأصلية كتبت بواسطة جمعان خلف 
إهداء إلى الشيخ عبدالرحمن بن مطني بن براك
بمناسبة زواج ابنه قاسم , في صيف 1429هـ
ويشرفني أن تنزل حصرياً في منتدى غازي البراك حيث أول مره أقوم بنشرهـــا
بسم شيخ القبيله وسط حفل انبوان = مرحبا بالجميع وشوفكم يوم عيد
دامت افراحنا فيكم وطاب المكان = وفي لقاكم مسا الليله تراني سعيد
اسعد اللـه مساكم ياطوال اليمان = وبيّض اللـه وجيه اللي حضروا من بعيد
كلمةٍ قالها راع الحفل بأمتنان = يشكرالحاضرين وبالتحية يزيد
وكلنا نقول ماقصر صدوق اللسان = من كلام ابن مطني كلنا نستفيد
واجمل التهنيات الصادقات الحسان = والتباريك اقدمها لكم بالقصيد
جعل قاسم سعيد بكل عصر وزمان = بارك الله عليه وجعل عمره مديد
ثم ابارك لبوه بكل صادق بيان = ابن مطني لنا عند اللوازم رصيد
لاختلف راي هذا مع خويه افلان = بالمساواه له راين يقص الحديد
بالعدل بينهم معروف بالاتزان = وبالنصيحه وبالحكمه وراين رشيد
ولاضرب ضربته ماهي بضربة جبان = ضربةٍ تجعل الضايع لرشده يعيد
شيخته ماخذاها بواسطه مع ضمان = وارثٍ شيخته عن ورث عهدٍ تليد
ومن معزت عزيز الشان جينا انبوان= لو طلعنا من الديره عليها نعيد
كل حرٍ ولو هاجر يعود المكان = يرجع الماكره لو ماكره راس حيد
عاصمتنا بهذا الوقت مع وقت كان = ديرةٍ عن معاديها حماها العقيد
طيّب اللـه ثراه وخلده بالجنان = وحرّم الله وجهه عن لهيب الوقيد
يوم هي بالعنان وتحت ضرب السنان = شاهدٍ له عدوه واللـه اللي شهيد
لاعتزا بالبويضا فوق ضهر الحصان = معه راين سديد وفيه باسٍ شديد
قاسم اليا تبيّن مانزل للطمان = ولايحب الهوان ولارضى بالزهيد
وعن يمينه دليم وباللقا مايهان = بشتباك المعارك قال هل من مزيد
شيخنا دليم ابن براك بالفعل بان = يؤخذ العلم من راسه ورايه سديد
لالتقا الجمع بين الجمع والحرب حان = قال حنا لها عند اللقا مانحيد
فوق دهم لاصايل ساعة الامتحان = لابعد الميد حنا كسر راس العنيد
واصبح دليم له قدر ومعزه وشان = من كبار الشيوخ وفارس ابناء رشيد
ويوم عم الامن ببلادنا والامان = كلنا جنود لآل سعود وأخذ الاكيد
يوم عبدالعزيز اسس نظام الكيان = وبالكرامه ملك فرسان واعتق عبيد
وجمّع الشمل واصبحنا بحكمه اخوان = وضاف للمجد والتاريخ عهدٍ جديد
******** type="text/**********">doPoem(0)***********مع خالص التحية / جمعان خلف الرشيدي
صح السانك يابو خليفه قصيده وافيه من شاعر وافي