السلام عليكم ورحمة الله وبركاته
اخواني واخواتي الاعزاء يسرني ويسعدني استماعكم
لهذه القصيده من قصايدي القديمه
ايام كنت في تبوك عام 1412هـــ
الحمد لله على تيسير الامور
موتري تعبان ودروبي صعيبه = باقي ساعه على شمس الغيابي
واصلً تيماء تعديت القليبه = مع طريق تشتكي من الشبابي
شفت ابن شداد ويمينه صحيبه = يمشي 200روح كاسحابي
ماسكً نص الطريق ويعتزيبه = يعتزي في موترن ماهو خرابي
فوق بنزً عاوي (ن) للبعد ذيبه = صار من بيني ومن بينه سرابي
ودي الحق لكن الموتر حسيبه = ميه وستين مع نزله ونابي
مايلام اللي يبي شوفت حبيبه = التعب مخلوف الوجاني عذابي
ياحبيب الروح ماتطلب نجيبه = لو طلبتيني من اغلى مايجابي
في خيالي شوفتك ماهي غريبه = لن قلبي معك وحسب لك حسابي
******** type="text/**********">doPoem(0)***********
للتحميل المقطع على جوالك من اضغط على الرابط
ملاحضات حول القصيده
بن شداد // هو الشاعر القدير نشمي بن شداد الوهيداني
وصحيبه اعتقد انه اديهم المظيبري الله يذكرهم بالخير
كانوا يطلعون خميس وجمعه من تبوك الى القصيم
وانا اطلع الى حائل قرية ظريغط