بسم الله الرحمن الرحيم
السلام عليكم ورحمة الله وبركاته
هذي محاورة الشاعر/ مشعل لويفي الرشيدي
والشاعر/ شقير المطيري بعد التنسيق
شقير
ياسلام الله وأنا ماني بمندوب الأماره = ميرلي وجهة نظربين المواطن والحكومه
الرياجيل أذكياوالحرتكفيه الاشاره = أحدآتعلن مغادرته وحديعلن قدومه
مشعل
مرحبا ومعرفة الطيب مع الطيب تجاره = وجهة الانظار واجد من بدا نسمع علومه
الرحى دوار وفلاك الزمن فيها أستداره = بزمن ماكل رجالً يبي يقضي لزومه
شقير
البقى بالطيب اللي ماخسرناله خساره=غيرراس الحاشي اللي طاح والناس إمعزومه
المرورإيطالب السايق برخصه وستماره =وأنت خلك منتبه موترك لاتنسى إرقومه
مشعل
مـن ينـول المـركـز الاول يـبـا يـنـول الـصـداره=ومن يضل الدرب تكسف ساعة المسرى نجومه
لاتوصيني وانـا عنـدي علـى الدعـوى اقتـداره=ونـت مـدري لـو تـلام ولا تحصـل مــن تلـومـه
شقير
مـن ينـال المركـز الاول يبـي يصدرقـراره=والعرب ماهي من الزلات يارجل إمعصومه
أجـل خلـك منتـبـه والــدرب لاتاخذيـسـاره=مايضيع إلأالضعيف اللـي ردياتـن عزومـه
مشعل
كل شاعر نعرفه ويبيـن مـن رد اعتبـاره=يتضح ويبين للعالم دفاعـه مـن هجومـه
انت وشبك مختلف لو صاحبك مخلف مساره=كل جسمٍ يازميل شقيـر كاسيتـه هدومـه
شقير
إخذلك وقفه سريعه وخذلك نص إستداره=ثم علم قلبك اللي ماصحـى مـن حلونومـه
وإستلم راس القضيه وستلم ختم السفاره=ميـرلاتـرسـل خـطــاب إلامجوتآإخـتـومـه
مشعل
خوذلك سجده طويله وطلب الله استخاره=من يكرم شاربه لحيته لاتزال محشومه
ماطلبنا منك راي ولا نبي منك استشاره=الفضاء نقدر نروده والبحر نعرف نعومه
شقير
قلتلك ياشاطرإعرف كيـف تبـدى بالشطـاره=ميرماطعت النصيحـه والثقـه فيـك إمعدومـه
البعيرإشعـيـل خـفـه لـيـه قـــام إيـــدق زاره=والحموله فوق ضهرإشعيل بالحبل إمحزومه
مشعل
البعير اشعيل يهدر تارةٍ من بعـد تـاره =ونت ياشقران نفسك من مطالبها محرومه
الشطاره وصلة شعرك لساعات احتضاره=تحسبنك واصل المريخ ودعوى محسومه