اقتباس:
المشاركة الأصلية كتبت بواسطة الصقر
اقتباس:


هلا وغلا بالغالي ابوصالح يالله حيه

وين الغيبه يابعدي؟؟ عسى خير ان شاء الله

اسعدني مرورك واثلج صدري
من القلب شكراً لك



الله يحيك ويرحم والديك ويبارك فيك يالصقر

يابعد راسي يالصقر على الكلام الطيب والجميل ويعلم الله انني اشاهد ردودك ومواضيع وادعو لك بالخير .

بالمناسبة صار لي شهرين متوقف عن التداول هههههه

يمكن تدري شنو صار عندنا بالكويت



انا متواجد يوميا تقريبا في منتدى اخونا ابويوسف عسى الله يخليله عياله ويخليه لنا

ابويوسف حكيم ويجمع الناس الطيبين امثالك طال عمرك وعسى الله يجمعنا في جنته بالفردوس الاعلى نحن ووالدينا اجمعين

طال عمرك عندي سؤال بسيط :

يبدوا لي انك انسان متخصص في شغلات البروكر او مكاتب التداول لان خبرتك خبرة شخص ماشاء الله عليه له درايه في هذه الشغلات

سؤالي طال عمرك ؟

انا ذهبت قبل اسبوع الى مصرف الراجحي بالحفر وسالتهم ؟

قلت ابي افتح حساب للتداول عندكم .

اجابوا وقالوا لي ماعندنا مانع ويجب فتح حساب جاري عندنا

قلت لهم عندي حساب لديكم منذ الغزو العراقي لدولة الكويت ولكن لم احركه منذ 17 عاما .

بحثوا عن حسابي ولم يجدوه .

الحساب فيه شوية فلوس .

طبعا مصرف الراجحي مر بعدة مراحل منذ ان كان مؤسسة وتغيرت ارقام الحسابات والديتا بيز ( قاعدة البيانات للحسابات )عندهم .

قالوا لي اعطنا رقم حسابك الحقيقي وحنا حاضرين .

رقم الحساب لم يكن معاي في ذلك الوقت .

سؤالي الان

يمكن عندك معرفة في احد الاخوان في مصرف الراجحي .

المهم طال عمرك اذا اعطيتك رقم حسابي بالراجحي هل تستطيع ان تتاكد من وجوده او من عدمه ؟

طبعا راح ادز رقم الحساب لك على البريد الخاص .

اشكرك طال عمرك وسامحني اذا شققت عليك .

واذا انت لاتعرف احد عندهم فلادعي طال عمرك واعتبر سؤالي كان لم يكن والعذر والسموحه ويمكن يجي واحد من الاخوان ويعرف الطريقة ويجاوب علينا

عساك على القوة يالصقر ولاتحرمنا من تحاليلك

يمكن راح ازرق للحفر بالاسبوع الجاي واخلص شغلي وعساك على القوة