بســــ الله الرحمن الرحيم ـــــــم ..

أخواني أخواتي من إداريين ومشرفين وأعضاء وزوار في هذا الصرح الشامخ لقد حصل بيني وبين أحد الزملاء نقاش يدور حول الجمال في بنات السعوديه وعندما دخلت أحد المنتديات لقيت موضوع في قسم القصائد المنقوله لإحدى الزميلات تنقل قصيدة لأحد الشعراء يؤكد أن الجمال لا يوجد إلا في الشهريه من بنات السعودية وأنا لا أعارضه في الراي بل من حقهن ويستاهلن ولا يوجد كامل إلا وجه الله سبحانه هذي وجهة نظر وكلن وله ذوق معين رغم أن بنات السعوديه جميلات بدون تحديد ولهذا كتبت هذه الأبيات وأتمنى أن تتقبلوها بصدر رحب ..


لو عرفنـــــا بنت بنت وحي حي ودار دار
.......... بكــل ديره راح نلقــي زينها مع شينهـــا
ولو جمعناهن جميع وسـط قاعات اختبــار
.......... بالـحلا ما راح نلقـــي بنت كامل زينهـــا
ولو نشوف البعض منهن بالحلا قلنا دمـار
.......... ولو كشفنا عن خفـــاها قلنا ربي يعينهـــا
ولونشوف البعض منهن بالحلا ماله مسار
.......... مير فيها الروح حلـوه مثل هذي وينهـــا
ولو الف الكون كله من يمين ومن يســار
.......... ما مـلا عيني ســوها بنت تحفـظ دينهـــا
بكل وحده راح تلقى فيه جنه وفيه نـــــــار
.......... اختر الروح الجميلــــه لا تغرك عينهــــا
السعوديـــه حــلاها ياجمـــاعه بختصـــار
.......... الحــــلا فيها طبيعي ماهو صنع يدينهــــا
عالي ن نسبة حــلاها وغيرها جاه انحدار
.......... فرق واضح بين هذي وبين هذي وبينهـا
لا تحــــدد في جمـــال البنت تلقي بكل دار
.......... إبكــل ديره راح تلقـى زينها مع شينهــــــا


وسلامتكم أخوكـــم / ماجـــــــــد بن عضيـــــــب ...,