باسمي وبأسم افراد وشيوخ شهران=سلام ياحفل(ن) بنوه القعابيب
بناه سعدون بن عابس كحيلان=والطيب ماله عن هل الطيب تجنيب
قالوا زواج وقيل تكريم سعدان =ونا وصلته يوم جتني المناديب
محمد ابن عبيد له عندنا شان=من يوم كلمني ونا مقدر اغيب
ومنصاي حفل مدلهة كل شفقان=من وصلهم ينسى التعب والهناديب
اقولها واكبر دليل(ن)وبرهان=فزعاتهم لهذيل عند الحناذيب
ومن فعلهم يخضع لهم كل شيطان=بني رشيد اللي تحدى الاصاعيب
احفاد عبس شيوخ نخوه وفرسان=تروي السيوف المرهفات المحاديب
انتم سلالة عبس مافيه جحدان=قمة نسب مافيه شك(ن) ولاريب
عبس الاصاله ساد ذكره الى الآن =وطيب السلالة خلدوا بصمة الطيب
من طيبكم تبنون للضيف ديوان=مواهب(ن) ماهي مجرد مواهيب
منها اشتهر مضيف ارشيد بن جمعان=دون الحليفه تشرق الشمس وتغيب
وكيف الدلال يدور بدلال رسلان=جود(ن)بجوده من كرم عالم الغيب
فالليل ضيفان(ن)وبالصبح ضيفان=ورشيد يستقبل وينفق من الجيب
وفي المجمعة مضيف سلالة حنيان =على الطريق وعامر(ن) بالتراحيب
لياوصلهم بعد التعب كل عمسان=انشهد(ن) الضيف حصل معازيب
اعد فعل(ن)شايفه شوف الاعيان =مجد(ن)عظيم وقبلهم مابعد جيب
تجاربي مع عبس خلت لي لسان =قبل التجارب يخطي المدح ويصيب
لولا اللقسى مابان للكفو برهاني=مابان طيب ولاانكشف للردي عيب
ولولا اللمواقف مانعرف قدر الانسان =للعلم عالم والمساري لها ذيب
الله خلق عسرات الايام ميدان =اتشيب اللي مابعد حوله الشيب
صكاتها تكشف صميدع وجابان=ويبين لك بالناس طيب وعذاريب
ولبارو اصحاب الرخى والزمن خان=وضاق الخناق ولابقى حولك اصحيب
ازبن قبيلة عبس لاصرت بلشان=وتشوف من فزعات عبس التعاجيب
تنسى التعب وتنام طرب(ن)وفرحان=لانهم ربيع اللي احدته الواهيب
وختامها عنبر ومسك(ن)وريحان =وسلام ياحفل(ن)بنوه القعابيب