ياهل الهوى لو تنثر العين عبرات = او قلت من ما ابي ترى الصدر ضايق
او قمت احسب له من الوقت ما فات = واحسب على فرقها حتى الدقايق
او قلت بي حره وحسره ولوعات = او قلت ياهل الحب ماني برايق
او قمت ازاور من عنايا العيادات = او قلت نار الود شبت حرايق
تراه من فرقا العنود المخبات = ولو قلت فيه كل ما قلت لايق
وهذا سبب الرعي العيون الوسيعات = ابو خدود مثل ورد الحدايق
ومن الصفاوه كن بالخد لمبات = بدرن تجلى فوق كل الخاليق
غرون عليه من البرايا حراسات = وياكثر ما بيني وبينه عوايق
لي بناء له في ضميري عمارات = ليته على غيب الضماير يوايق
حتى يشوف الحال سيدة الخوندات = وليا حصل يكفيه شوف الحقايق
وكم عاشقن عقب الهنا بالهوى مات = ولي جهل يقرا قديم الوثايق
وانا الذي صادمت بالحب ويلات = وخوفي على قلبي وضعف العلايق
ولو قلت ثمان شهور مارتحت هيهات = ولا بعت في سر مع الدم سايق
وانا عليه اجر بصدر ونات = ويصبح على الصبح مانمت فايق
يازين احبك حب مابه دعيات = وحبك بقلبي بين حدبن غلايق
ارجوك حاولي على الوصل بسكات = ترى عيوني من دموعي غرايق
حتى يطيب الكيف واسعد بلذات = واصير عقب المر للحلو ذايق
هذا المنى ولي شرحته بالابيات = وهذا الاهم وباقي امري لاحايق