تشقى دروبـي ورى خطواتـنا وأشقـى.ورى زمانـي .. وتلميـحـه وتجريـحـه

صحيح عشتك ( أمل ) وأحلامنا وُثقـىلكن خطاي الأمل وأزريـت تصحيحـه

أحبـك : إن قلتهـا ، تذبحنـي الفرقـاما أبيك : وإن قلتها ، كيف آمن الطيحه ؟

لي عام / عامين : بين أبقـى ومـا أبقـىأرسمك / وأحلمك / في ممسى وتصبيحه ..

من مشطك ل كحلك ل فستانك المُلقـىعلى غديرك .. ل مكياجك وتسريحـه ..

منها اكتشفت إنْ حتى مْرايتـك تُسقـىمن ريقك وتاخـذ أنفاسـك لهـا ريحـه

وآنا ب شكواي هالغرفه غـدت غرقـاتصدّعت كل جدرانـي ب أثـر صيحـه

تفنّن الحزن فـي وجهـي وهـو يرقـىمن قلبي .. وينـزل الدمـع بْمراجيحـه

يا سيّدة كل هذا الورد .. كيف ألقـى :ليلٍ تغرّد علـى " الزفـة " مصابيحـه ؟

إن ضاقت الأرض فينا : غـرّدت ورقـاهالكوكب يدور .. من حسـرة مجاريحـه