يامرحبا ترحيب وافي بوافين = يقولها غازي بدع المثايل
ترحيبة الطيب اليا شاف غالين = لصار قادر للمواجيب طايل
عند بن مشعل شيخ قومً شجيعين = اهل الكرم والطيب واهل الفعايل
مشاعله قوم على الفعل ضارين = ياما غزوا من فوق قب الاصايل
رشايده عما عيون المعادين = ياما خذينا الذود والدم سايل
قدام لايضفي على العالم الدين = نقدم على المرعي بعزم وصمايل
وكل القبائل نعم ماهم رديين = النعم فيكم ياعيال الحمايل
واليوم في حكم الملوك السلاطين = اخوان نوره كاسبين النفايل
في حكم ابو متعب معي قولوا امين = الله يحفظك ياحبيب القبايل
الخير في وجهك وفي نظرة العين = وقلبً يحب الشعب حب الهوايل
ياخادم البيتين ياكرم كريمين = يا شجع ملوك الارض يابو الجمايل
خضع لك اللي رشحوه الملايين = وقطعة قول اللي عن الحق عايل
ومسحت دمع اللي شكاء الهم والدين = يا خادم البيتين مالك مثايل