أسعد الله أوقاتكم بالخير و المسرات .. اليوم معي قصيدة راااائعه جداً للشاعر / نهار فلاح الصليلي
ياغايبه كن الشقي محتريني
يومك رحلتي والفرح ودع وراح
رجيت وصلك هاقي انك تجيني
طول انتظاري زادني هم واجراح
صار اللقى معدوم بينك وبيني
ماكنه الا بارق (ن) بالوهم لاح
اخر رجا دمعات حارت بعيني
طاحت ومعها الحيل في غيبتك طاح
طال الغياب وسامحي واعذريني
تعبت من كثر الشقى ودي ارتاح
والصبر شوفي كم سرق من سنيني
ياغايبه والصبر لاطال ذباح
معذور مثلي لو شكا صدقيني
ظامي حنان وفاقد( ن ) شوف الافراح
ان كان لي ذرة غلا ساعديني
زيلي غيابك خلي الهم ينزاح
خليني انسا كل ماصار فيني
يمكني ارجع مثل ما كنت مرتاح