موسى ولد عبدالعزيز بن عناز= نسل الرجال اهل الوفاء والشهامه
رؤس الرجال اللي حلاحيل وعزاز=بالطيب وافي يستحق الزعامه
حر (ن) على كل الصعيبات يجتاز=من ساس قوم (ن) يحتمون الجهامه
بالطيب والاخلاق ياحظ من فاز=وموسى عليه من الشكاله علامه
شاعر وباء اسميك بالشعر فواز=الشعر في صدرك تقلد اوسامه
مثل البحر بالموج ماهو بينهاز=الشعر ياموسى تجيه ابفهامه
تمشي له الساقين من دون عكاز=يجيك يجري مايخالف نظامه
امدحك مالي من ورى مدحي اللغاز=شاعر مثل شرواك زاد احترامه
******** type="text/**********">doPoem(0)***********