ياصاحبي من شوفتك صرت ممنوع ,,, واللي بقا لي منك ذكرى قديمه

حبل الرجا في شوفتك صار مقطوع ,,, والحال من فرقاك ربي عليمه

صار الحزن في داخل القلب مزروع ,,, مصيبة الفرقا علينا عظيمه

كيف الصخر يبكي وتنزل له دموع ,,, كيف الجبال الشم تبكي الهزيمه

وكيف انكسر كف(ن) من الكف للكوع ,,, وشلون راح العمر من دون قيمه

هذا زمان(ن) فيه طامع ومطموع ,,, حتى البشر تجهل دموع اليتيمه

الوقت يبقى والحزن فيه مشروع ,,, نفس المولع في زمنا سقيمه

مطبوع بصدور الرياجيل مطبوع ,,, بصدورهم تلقى الطعون الجسيمه

الذيب يعوي من عنا الوقت والوجوع ,,, وابا الحصين يدوج في ظهر ريمه

الحكي ضاع ومايقى فيه منفوع ,,, ماتت طموح الخلق رغم العزيمه