موقع الشاعرغازي البراك موقع الجميع - عرض مشاركة واحدة

04-02-2010, 12:01 AM

تدري وش اللي يجرح القلب جرحين
..................ويمد حبـل الحـزن فيـك ويشـده

انك تناظر طفل مـن غيـر ابويـن
.................يمشي ودمعـه سايـل فـوق خـده

منظر صعيب ويقسم القلـب قسميـن
................لا قـام يمسـح دمعـه بكـف يـده

يمشي ولا يدري طريقة علـى ويـن
...............لين التعب من كثـر مـا تـاه هـده

اثقل حـروف يشيلهـا فيـه حرفيـن
...............لا أب يـدريـبـه ولا أم تـــرده

في خطوته رحلـه ودمعـه وسكيـن
................وحـظ (ن) توسـد بالمراسـي مـخـده

جيت اسألـه بالله قللـي ولـد ميـن
...............ويبغي يجاوب واختنـق صـوت رده

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـده

وطعم الطفوله ما عرفته لهـا لحيـن
.............وثوب السعاده صـرت مانيـب قـده

ابكي إلى من شفت غيـري سعيديـن
................ليـن البكـا فينـي يوصـل لحـده

واقفى ورحت امسح دموعي من العين
...............وعيني تناظـر دمعتـه فـوق خـده

وهذا اللي يجـرح القلـب جرحيـن
..............ويمد حبل الحـزن غصـب ويشـده
.
.
.