مـدام مالـك بالـهـوى ( فــيّ ) وظــلال
مايختلـف لـو شـفـت سلـمـك وحـربـك
كنت احسبك تعطـي علـى كـل الاحـوال
واثــر العـطـا مــا وافــق بـيـوم دربــك
عشتـك ( ألـم ) كلـك متـاهـات وهـبـال
معنـى العـذاب وجـايـر الـهـم .. قـربـك
طبعك تجاوز للاسـف طبـع ( الانـذال )
ليتـك تـحـس بـحـرّ ( نــارك ) وكـربـك
فـي داخلـي يبنـي لـك ( الكـره ) تمثـال
بين ( الحنايـا ) لـو تصـورت .. يربـك
خنت العهود وجيتني ( حيل ) تختال!!
الوجـه شـرق و ( نيـتـك ) يــم غـربـك
غدرك معك في داخلك ( حـي ) مـا زال
ماهو غريب ان صار ( زادك ) وشربك
لا تحسبن جـروح .. مثلـك علـى البـال
من صد ( جيشك ) قادر إيبيد ( سربك)
مـات الشعـور ولا بقـى فيـه ( مثقـال )
تعبت اجامل .. وادفع ( اتعـاب ) كذبـك
خذها صريحة واصدق القـول .. ينقـال
هـجـرك دواك وزايــد ( البُـعـد ) طـبـك
وش تنتظـر بالله .. يــا متـعـب الـحـال
إرحـل ولملـم .. مــع بقـايـاك .. ذنـبـك
ماعـاد قلبـي ينظـرك ( عـزّ ) واجــلال
لو ( مت ّ ) عنده ترتجي .. ما شعربـك
فرصه عطيتك وانتهى وقت ( الامهـال
اعلنـت فيهـا ( للمـلأ ) مــوت .. حـبـك