امس الضحي كنيت باقي العباير=واليوم ضامني وسون معابير
عباير من محرقات الضماير =ولو العباير دمع مامنه تأثير
يحول من زود الولع والحشاير=كنه يدق بلوح كبدي مسامير
والقلب شبت به لهيب السعاير=لاعود الله عرف بعض الغنادير
غرو(ن) عليه القلب والعقل طاير = والبيض غيره في عيوني سمادير
لو تكتشف قلبي عقول(ن) بصاير=لقيت له في وسط جوفي تصاوير
انا هوي بالي به الفكر حاير =بين الرجا والياس حبل التياسير
ضاع الحول باحكامنا يا لعشاير =احكامنا مابين جبار وجير
يالقلب لاتبدي خفي السراير = الا على رزاق عكف المناقير