عيدك يصافح قمة المجد يا كويت = ولون العلم يا كويت كحل بعيني
يا ديرتي لك بالغلا داخلي بيت = إن كان ما كل الغلا يحتويني
و اشلون وأنا اللي بنعيمك تربيت = وبترابك الطاهر لعبت بيديني
تفداك روحي كل ما أصبحت وأمسيت = والماضية والمقبلة من سنيني
أنسا اسمي ولسمك حشا ما تناسيت = وإذا نسيتك مت لاتدوريني
حبك بدم الروح لن رحت وان جيت = ما ينتهي ما دامت الروح فيني
عسى تدوم أعيادك أفراح يا كويت = اسمك غذاء ولون العلم كحل عيني