امدح أهل الطيب واللي على الواجب يبين= تعرف الرخمه لياقلت بالطيب مديح
يصتصيب ليا مدحت المطاليق اللعين= كنك اللي لاتكلمت تذكربه قبيح
ارجم الرخمه بمدحك لطلقين اليمين= ارجمة توجر برجمك لبو كف شحيح
يحسب ان المدح جاله بقوله كل حين= لو يقوم بفرض وبواجبه جاله نبيح
لوفعل له يوم عدة على كل السنين= من كثر ماعد فعله قبح لوهو مليح
فرق من يفعل وفعله لنفسه مايبين= الجزايل واجبه مايبي فيها مديح
طيب وقت القسى خل من طيبه بلين= طيب بظروف لوهي على غيره طريح
طيب من صدق والله يعين الطيبين = ومن تصنعها بطى العظم يبطي يستريح
لويفز مع اول الدرب عودله رطين= الكدش لو فز مع خيل لحظات ويطيح