بديت بسم اللي كتابه تنازيل=الواحد اللي عالم(ن) خافي الكون
الواحد اللي يفرج الهم ويزيل=اللي خسف أرضه بكنوز قارون
ومن بعدها بطلب عساها تساهيل=وعسى الولي يقبل من اللي يصلون
أنا تعبت وذقت هم وغرابيل=والقلب من جور الدهر تقل مطعون
والحال نشت من هموم وبهاذيل=وأهيض الحسرات من قلب محزون
وعزاه ياعينن تذوق الغرابيل=قاست اهموم وذاقت امرآر مهيون
ودنيآي ماتصفى وفيها التهاويل=كم مرتن أرد على الموت بطعون
ما تأخذ ألأ طيبين الرجاجيل=كم من عزيزن رحت لأهله يعزون
وألأ الردي فيها حياته تساهيل=مايموت لو كثرت به أضروب وطعون
وأنا من اللي شفت ذقت الغرابيل=رآحت حياتي كلها آهآت وحزون
وأنا الذي وان ضلل الجو تضليل=أفزع مع الطيب ولا يصير مهيون
ولاشك هذي عادة الحر ياليل=يأقف ولا حسب لنكبات وسجون
أما الردي مني يذوق التناكيل=ومن قشر حظه طاح بـ أنسآن مجنون
وأما لأهل الطيب طيبي تماثيل=أطيب من اللي للمعاوين يعطون
ويالله يامنشي سحاب ومخاييل=تفرج الضيقات عن قلب محزون
وختامها لأهل الفعول المراجيل =سلام مني مع تحيات وفنون
وصلوا على محمد عدد كل تهليل=وعداد ماهلت مع أرعود ومزون
******** type="text/**********">doPoem(0)***********