انت ياللي تحسب ان القنابل ماتثور= انتبه منها تراها شديدة لنفجار
خذ نصيحة عارف مجرب كل الامور= والتجارب تعدي الرجل درسٍ واعتبار
خذت درس من الليالي وصكات الدهور= لين صرت اطبق الدرس يوم الاختبار
فانت ياللي صار سيلك على العوجا جدور= ادري انه مانكب سد مارب غير فار
فخل عنك الغطرسه وتخلف والغرور= انت عاقل لاتصرف تصراف الصغار
والله اني ارفعك ون كل مالك في حدور= كل ماحدك على الطيب جاء فيك انهيار
والله مابغى منك فزعه ولابغى منك شور= ماربح من حطك اسناد ولامستشار
والحقيقه ماورى المدبرين الا الدبور= ويش لي في عالم سلمهم لعبة قمار
ياكثر ماني على غلطة العاني صبور= الخطاء اللي يدبل الكبد في وضح النهار
والسلوم تقول لاصار عانيك معثور = فقفل ابواب الردى ماوراها الا الدمار
لاتحس العانية لو يجي منه قصور= ان عطاك من الكوارع فعطه من الفقار
واعرف ان الصبر والطيب لايمكن يبور= اين ماترميه يرجع عليك بالانتصار
واحمد اللي حط لي بقمة العلياء جذور= ناهج ٍ منهج حرار ٍ على منهج ٍ حرار
من خلقنا الله وحنا وسيعين الصدور= للخوي والجار والعانية عز وعمار