اسعد الله اوقاتكم جميعاً إليكم القصيده التي
سميتها الوداعيه
انتاج جديد وتستاهلون الجديد
وينك يامفلح النميش من غير قصور بالجميع
مع السلامه موعدي معك بعدين=اصبر وراجي مقبلاتي اليالي
وكثر السنين الماضية باخذ اسنين=وانته على بالي عزيزاً وغالي
يامن غلاه اخفى منه نسبة الشين=لاتحسبني عنك داله وسالي
بعض العرب لوهو بعيدآ عن العين=يبقى مجسم صورته في خيالي
أمل رجوعه مثل عودت فلسطين=اللي تعاني وطيت الاحتلالي
يامن غلاه اصبح صديق الشرايين=لو يفقدنه يصبح الضغط عالي
هنيكم يامجمعين الملايين=تفكيركم وشلون جمع الريالي
وانا هواجيسي من ايسار ويمين=تزيد لاذعذع هبوب الشمالي
الحب ماتقواه حتى السلاطين=اللي لاومرهم تطيع الرجالي
اخوكم
سويلم فالح المظيبري
******** type="text/**********">doPoem(0)***********